बाळासाहेब देसाई यांनी पाटण येथे लोकनेते बाळासाहेब देसाई सहकारी साखर कारखाना स्थापन केला. ही साखर कारखाना सहकारी तत्त्वावर सुरू करण्यात आली ज्यामुळे प्रदेशातील शेतकऱ्यांना स्थिरता आणि प्रगती मिळाली. बाळासाहेब देसाई यांनी यशवंतराव चव्हाण, वसंतदादा पाटील, गुलाबराव पाटील अशा महाराष्ट्रातील प्रमुख सहकारी नेत्यांसोबत जवळून काम केले.

बाळासाहेब देसाई हे महाराष्ट्र राज्यातील एक प्रसिद्ध राजकीय नेते होते. सुरुवातीला त्यांनी पाटण व कराड जिल्हा सातारा येथे वकिली सुरू केली. १९४० मध्ये ते जिल्हा स्थानिक स्वराज्य संस्थेच्या निवडणुकीत उभे राहिले व अध्यक्ष म्हणून निवडून आले. १९५२ मध्ये ते पाटण मतदारसंघातून आमदार झाले. १९५७ मध्ये ते राज्य मंत्रिमंडळात मंत्री झाले. १९६० मध्ये बाळासाहेब देसाई महाराष्ट्र राज्याचे शिक्षणमंत्री होते. गरीबांच्या मुलांना शिक्षित करण्यासाठी त्यांनी ज्यांचे उत्पन्न रु. १२००/- पेक्षा जास्त नाही अशा लोकांसाठी EBC सुविधेद्वारे १००% फी माफी जाहीर केली. १९६२ मध्ये ते कृषीमंत्री झाले आणि त्याच वर्षी त्यांना गृहमंत्री म्हणून जबाबदारी घेण्यास सांगण्यात आले. १९७८-७९ मध्ये ते महाराष्ट्र विधानसभेचे अध्यक्ष होते.

महाराष्ट्र शासनाच्या इतिहासात बाळासाहेब देसाई हे आजतागायत सर्वात मजबूत गृहमंत्री म्हणून पाहिले जातात. त्यांनी गृह आणि पोलीस विभाग मजबूत आणि विश्वासार्ह बनवण्यासाठी अनेक धाडसी पावले उच्चली. त्यांनी गृहमंत्री म्हणून त्यांच्या कार्यकाळात अनेक गंभीर परिस्थिती हाताळली. ११ डिसेंबर १९६७ रोजी पाटण येथे विनाशकारी भूकंप झाला त्या वेळी त्यांनी लोकांच्या मदतीसाठी सातत्यपूर्ण प्रयत्न केले. त्यांचे हे प्रयत्न संपूर्ण महाराष्ट्राने पाहिले आणि त्यांचे मोठ्या प्रमाणावर कौतुक केले. ते गरीबांचे खरे नेते म्हणून ओळखले जाऊ लागले. त्यांच्या कार्यामुळे, सन्मानामुळे, सामान्य लोकांनी दाखवलेल्या प्रेमामुळे प्रसिद्ध पत्रकार प्रल्हाद केशव अत्रे यांनी त्यांना "लोकनेते" ही उपाधी दिली.

शिवाजी विद्यापीठ, कोल्हापूरच्या स्थापनेत त्यांची महत्त्वाची भूमिका होती. १९६२ मध्ये त्यांनी शिवाजी विद्यापीठ स्थापन करण्यात पुढाकार घेतला. १९६९ मध्ये पाटण येथे बाळासाहेब देसाई कला व विज्ञान महाविद्यालयाची स्थापना केली.